حميد الموسوي ||
ردنه استعادة وطن ..
شو زادت علينه المحن …
نحتاج دك ولطم ..
نحتاج غنوة حزن …
عاكس او يانه الزمن ….
نحتاج نوح وبجي
وين انتِ ياشاديه…
غنيلنه يازمن …
..والله يازمن ..والله يازمن ….. والله يازمن.
ياهو الحكمنه جشع ..
فاسد ولا يؤتمن
دوامه بينه تفر
من شفنه هذا الوطن
ما تصفه ما تستقر
ما توكف وتستكن
واحنه بوسطها نون
نصبح ونمسي بامل
ونكول بلكي ..وعسن
والبلكي صارت دهر
والعسى صارت قرن
ماشفنه غير القهر…
ماعشنه غير المحن ..
ما شفنه غير الظلم
جور وفساد وفتن ..
والله استحق الدفن
هذا الزمان العفن
يمته تطل رحمتك
ياربي يمته تحن
ويهل امام الزمن
مهدينا هو الامل
هو الرجا .. المؤتمن .
………………………………………..
300 حزب وحركة وتجمع مستعدة للتنافس في الانتخابات المقبلة
يعني زيادة اكثر من 50 حزب ..
بينها احزاب تشرينية !!!!!!!!.
هسه كملت السبحة …. شدو روسكم يكرعان …والستار الله
