ياسر الربيعي ||
واحد اسمه جبار . اشتغل يم واحد فيترجي
أول يوم گال للاسطه آني اعرف المحافظ !!!!
الاسطه ما صدگه
بعد بيومين مر المحافظ صدفة من الشارع شاف جبار .
وگف السيارة و نزل سلم على جبار . بحرارة و گله : ضروري اشوفك يا جبار . مر علي ضروري !!!!
الاسطه شاف المنظر خلى جبار.. مسؤول العمال !!!
بعد يومين گال جبار . للاسطه أني أعرف الوزير !!!
الاسطه قال ممكن صحيح
بعد چم يوم مر الوزير شاف جبار . وگف الموكب و نزل سلم على جبار . وحضنة و گله ضروري أشوفك يا جبار !!!!
الاسطه تعجب شنو القصه و زوج بنتة لـ جبار . و كتب الورشة باسمة !!!
بعد چم يوم جبار . قال لعمه إلي هو الاسطه ، أني أعرف ترامب رئيس أمريكا
الاسطه رد على جبار . و گله هاي قوية !!!
جبار . گال للاسطه أني أثبتلك اني أعرف ترامب
أخذ الاسطه و راحوا لأمريكا !!!
ويم الباب مال البيت الابيض جبار دخل وگال للأسطة انتة ابقة واگف يم السياج فد شوية وراح نطلع اني وترامب نوگف بالبلكونة !!
شوية طلع جبار. . من البلكونة هو و ترامب و أشر للاسطه !!
الاسطه صارت بي غيبوبة و نقلوه للمستشفى …
جبار . لحگة للمستشفى
الاسطه صحى لگة جبار يم راسة …
جبار . يگلة للاسطه اشبيك صارت بيك غيبوبة لمن شفتني وية ترامب !!!
الاسطه رد عليه : لا مو هذا السبب …
مروا اثنين أمريكان من وراية و سمعتهم يگولون
منو هذا الي وية جبار . ؟
ما أدري عليمن جبناهة