إياد الإمارة ||
هذا أبو لسان مكسور اليبلع حروف، أبو الشوشل ميديا وكبة داعش، مو جرة الكاتب “حسن العلوي” من اذنه يدورلة راتب لو لا؟
هذا المسحسل الملطلط إلي شكله يشبه “الوريج” لو غيره؟
شو صارت عنده أملاك وأطيان وزايدة وناقصة، خاف هم يطلع مولود وفي فمه ملعقة ذهب وما ندري؟
ها ولك “الأطرم، الخارم” من أين لك هذا؟
وشنو سالفة أبو رغيف والتعذيب وأوامر حكومية؟
هاي عود أنت ما تخبط يا “خبل” لو تخبط شلون؟
شتصير أسوء من مصطفى مشتت الكاظمي بعد؟
بس أريد أعرف المصور مالته وين؟
ووين مستشارينه؟
ووين جماعة التظاهرات وحقوق الإنسان؟
والحفافة؟
وأهل الملاهي؟
وينكم؟
وين إلي كانوا يدافعون عنه بمجاميع مواقع التواصل الإجتماعي مقابل مبالغ تفشل؟
ثم: وبعد عيني يثمة..
هذا إلي اختار أبن مشتت الأغم وروجلة ودعمه وبشر بيه هم بعده يتكلم بالسياسة ويدعي أنه سياسي لو كف وعزل؟
باقي يحترم نفسه بينة وبين نفسه وعرف شنو قدره ومستوى تفكيره لو لا؟
زين يا أهل السياسة، يا أهل الخبرة، يا إعلام، يا صحافة، يا مطلعين، منو جاب الكاظمي؟
منو شاركه بالسرقات وبدماء الناس البريئة؟
نعرفه لو لا؟
تعرفوه لو لا؟
مو لازم وبهاي الفترة بالذات نعرفه منو وابن منو حتى تخليه العراقيين “يتريع” قياطين ..
أعتقد لازم تطلع الشمس على الحرامي ..
الحرامي إلي جاب مصطفى مشتت ابن مشتت ..
مشتت ما اجة من كيفة وصار مدير مخابرات، وبعدين صار رئيس الوزراء، لازم اكو قوة لو شخص لفلفة مثل تلفلف “النغل” وقدمه للناس وصار بالعراق ما صار ..
وهذا هو الحرامي الأصلي مو مصطفى إلي هو مجرد عربانة مطعطعة شالوا بيها زبالة وتالي ذبوها وي الزبالة!
