د. حميد الطرفي ||
تريد عامل صيانة ماء تنتظر يومين، تريد كهربائي تنتظر اسبوع.
تريد(بَناّ) تنتظر اسبوعين،
تروح لمسطر العمال يجوك عشرين كل واحد عنده خمسة شروط تنفذها حتى يطلع وياك،
عندك سبلت عاطل بالصيف تنسلگ يومين بالحر حتى يجيك السرة ويطلعلك كشف،
تروح للمولدة تدفع القسط تلگه المُشغّل بنغالي لو باكستاني.
تروح للمطعم تلگه الكادر كلهم سوريين لو لبنانيين تروح للكوفي تلگاهم كلهم عراقيين خريجين معاهد وكليات وإعداديات ينزلون نراكيل وهمبركر وشاورما ومكنكين على النت للساعة 4 الفجر وينامون النهار كله.
تجي لوزارة التخطيط تگلك 15.5% بطالة و23% تحت مستوى خط الفقر!!
بطالة أم كسل؟
