بنتي مريضة وما عندي فلوس اسويلها عملية ولا حتى اكدر اشتريلها علاج ، عفتها بالبيت ورحت لأمير المؤمنين ، حتى اشكيله واطلب منه لان هو ابونا وما يرد الي يطلب منه ، واني كنت متأكد راح ارجع فرحان ...
وصلت للامير ووكفت بالركن الي مقابل الضريح وبديت احجي وي ابو الحسن وابجي ، واني واكف شفت رجال شيبة والوجه نوراني يصلي ، كمل صلاته وحاجاني .. كلي (جنك مهموم بويه شعندك؟)
اني ما اعرفه ولا شايفه قبل .. كتله حجي بنتي غفران مريضة وتحتاج عملية واني حتى مسواك للبيت ما عندي ...
اجه حضني وباسني من كصتي ، وطلب من الولد الي وياه ياخذ رقمي ، قبل لا يروح حلفلي وكلي باجر اتصل بيك اني .
هنا اني كلت امير المؤمنين هو الي دزه عليه لان اني طلبت منه ومتيقن ما يطلعني من الضريح مكسور خاطر ، بقيت منتظر الاتصال ، ثاني يوم اجاني اتصال ، وكلي هسه تأجر سيارة وتجي لبغداد ، وحجوا وي السايق وبلغوه لا تاخذ منه كروه وكروتك من توصل ننطيكياها.
وصلت والتقيت بالولد الي كان وي الرجال ، واخذني لبيته ولكيته مسويلي غداء ابيته ، تغديت وكملت واجاني هو ، كلي حضر نفسك جهزتلكم الفيز وتذاكر الطيران وباجر سفركم لأيران حتى تكملون الفحوصات بطهران وتسوون العملية لغفورة ، مد ايده على جيبه وانطاني فلوس وكلي ذني مصرفكم .
اني لحد الان ممصدك ، وهذا منو الرجال، معقوله امير المؤمنين دزه عليه ؟ معقوله هذا ولي من اولياء الله الصالحين وراح يقضي حاجتي وبعدها يختفي؟
رحنا لايران والعملية صارت عمليات وسويناهن كلهن ومجانا من بيتي لحد ما رجعت رجعت للبيت واجه زارني الرجال الي لحد الان ما عرّف بنفسه ولا كال اني فلان وذني مني .. بحيث يحسسني هو صاحب فضل عليه ابدا .. قبل لا يطلع من بيتنا انطاني فلوس وكال ذني مصرف للبنية ، وسألني بيتك ملك لو ايجار كتله والله حجينا ايجار ، رجع وانطاني ايجار مال سنة كاملة..
اقسم بالله العظيم ما عرفت هذا الرجال الا بعد يوم 3/1 شفت صورته بالاخبار وقريت انه استـ.ـشهد على يد امريكا، وسألت كالوا هذا (جمال) والشخص الي كان يتواصل وياي هم استـ.ـشهد والي هو محمد رضا الجابري ..
من استشـ.ـهد لليوم كل يوم جمعة اخذ عائلتي واروح ازوره..
-قلوبنا حرى لفراقك يا(جمــال)💔.
القصة نقلا عن الحبيب ابو لواء البهادلي.
